- देवेन्द्र कार्की
'बगिरहेको सङ्लो पानीसँगै बग्दा आनन्दै बेग्लै हुँदो रहेछ,' घुमघाममा खुब
रुचि राख्ने धरानका युवा राजन श्रेष्ठले गत शनिबार तमोरको र्याफ्टिङको
मज्जा लिएपछि भने, 'मजा त यहाँ पो रहेछ, त्यही भएर विदेशी पर्यटक
र्याफ्टिङमा झुम्मिँदा रहेछन् ।' आफ्ना दौँतरीको हुल बाँधेर राजनले तमोरमा
५२ किमी र्याफ्टिङको मजा लुटे । राजनसमूहको र्याफ्टिङ यात्राबाट लोभिएका
धरान-१५ का दीपेन्द्र कार्कीले पनि आगामी २९ गते र्याफ्टिङका लागि
दुईदिने प्याकेज कार्यक्रम तय गरिसकेका छन् । 'पानीमा खेल्न साह्रै रमाइलो
हुन्छ,' दीपेन्द्रले भने, '१५ जनाको समूह क्याम्पियन तमोर र्याफ्टिङ टुरमा
जान लागेका छौँ ।'
'र्र्याफ्टिङमा जो-कोही रोमाञ्चित हुन्छन्,'
शनिबार नै र्याफ्टिङमा सहभागी धरान-१६ की रीता युङसुहाङले भनिन्,
'साथीहरूसँगै र्याफ्टिङ गर्न रमाइलो हँुदो रहेछ । समय मिले फेरि गइन्छ ।'
निकै जोखिम यात्रा मानिए पनि आजभोलि महिला पनि र्याफ्टिङमा रमाउन थालेका
छन् ।
रीतासँगै धरान-१७ की संजिता लिम्बू, लाक्पाविकी शेर्पाले पनि
र्याफ्टिङको मजा लुटेका छन् । धरान-१० का सुनीता खड्गी र उनका श्रीमान्
उदयले सँगै र्याफ्टिङको आनन्द लिए ।
सप्तकोसीको शाखा नदी तमोरमा
र्याफ्टिङको सम्भावना देखेर सात वर्षअघि तमोर रिभर एड्भान्चर प्रालि
धरानले र्याफ्टिङ सेवा सुरु गरे पछि पानीसँग रमाउनेहरू निकै बढेका छन् ।
धनकुटाको मूलघाटदेखि सुनसरीको चतरासम्म बग्न चाहनेको संख्या उकालो लागेको छ
। व्यावसायिक रूपमा ३ वर्षदेखि र्याप\mटिङ गर्नेको भीड लाग्न थालेको
र्याफ्टिङ सञ्चालक मदन ढकालले बताए । अघिल्लो वर्ष चार सय आन्तरिक तथा
बाह्य पर्यटकले र्याफ्टिङ गरेको उनले बताए । यो वर्ष सुरु भएपछि एक
हप्तासम्मको रिर्जभ पनि हुन थालेको छ । बुधबार धरान नगरपालिकाको संयोजनमा
बंगलादेशका पत्रकारको टोली र्याफ्टिङ जाँदै छ । शुक्रबार उर्लाबारीको एक
समूहको दुईदिने क्याम्पियन कार्यक्रम रहेको ढकालले बताएका छन् ।
गत
शनिबारदेखि मात्र यो वर्षको र्याफ्टिङ सुरु भएको हो । यतिवेला आन्तरिक
पर्यटकको भीड बढेको सञ्चालक ढकाल बताउँछन् । फाट्टफट्ट विदेशी पर्यटक प्नि
आउन थालिसकेको उनले बताए । 'अघिल्लो वर्ष विदेशीको मुख देख्न पाइएन,'
ढकालले भने, 'यो वर्ष विदेशीसँग पनि डिल भइरहेको छ ।' मूलघाटदेखि चतरासम्म
दिवा सेवाका लागि सात घन्टा र रात्रिकालीनका लागि दोब्बर समय लाग्ने
र्याफ्टरहरूले बताएका छन् ।
नदीको बाटोमा पर्ने पातले, त्रिशूले,
ज्यानमारे र तरबारेजस्ता आकर्षक छाँगामा आनन्द र जोखिम दुवै हुने गरेको
यात्रामा सहभागी बताउँछन् । छाँगामा पस्दा र नदीको छालमा बग्दा
र्याप\mटिङमा सहभागीले साँच्चै आनन्दित महसुस गर्ने र्याफ्टर माइलाले
बताए ।
र्याफ्टिङ अहिले आन्तरिक पर्यटकका दृष्टिकोणले निकै
महत्त्वपूर्ण बन्दै गएको छ । र्याफ्टिङमा आउने सबैलाई लाइफ ज्याकेट उपलब्ध
गराइएको छ । रेस्क्यु गाइड पनि सँगै हुने भएकाले पौडी खेल्न नजान्नेलाई
पनि त्यति जोखिम नहुने माइलाले बताए । मस्र्याङ्दी र भोटेकोसीपछि तमोर
र्याफ्टिङका लागि उपयुक्त गन्तव्य मानिन्छ । पछिल्लो समय मस्र्याङ्दी र
भोटेकोसीभन्दा तमोरमा र्याफ्टिङ गर्नेको संख्या बढेको व्यवसायी बताउँछन् ।
नेपाल,
भारत र चीनको सिमानामा उद्गमस्थल भएको तमोर नदी पूर्वी नेपालको तीव्र
वेगवान नदीमध्येको एक हो । शान्त, मनोरम तर साहसिक जलयात्रा गर्न चाहने
खेलाडीका लागि यो नदी उपयुक्त मानिन्छ । यहाँ र्याफ्टिङ गर्दा ८८४८ मिटर
अग्लो सर्वोच्च शिखर सगरमाथा, ८५८६ मिटर अग्लो कञ्चनजंगालगायत हिमाल र
आकर्षक पहाडको दृश्यावलोकनसमेत गर्न सकिन्छ ।
मंसिरदेखि र्याप\mटिङ
सिजन सुरु भई चैतसम्म रहने गर्छ । ताप्लेजुङको दोभानदेखि मूलघाट, चतरा र
ओखलढुंगाको हर्कपुरसम्म दुईवटा बोट सञ्चालनमा छन् । ६ महिना सञ्चालन हुने
र्याफ्टिङमा बेलायत, अमेरिका, डेनमार्कलगायत सार्क राष्ट्रबाट पनि पर्यटक
आउने गरेका छन् । तमोर जलमार्ग भौगोलिक विविधताका कारण उत्कृष्ट रहेकाले
पूर्वतिर पर्यटक तानिन थालेका छन् । मूलघाटबाट चतरा ३४ किमी छ ।
ताप्लेजुङबाट चतरासम्मको यात्राका लागि भने पाँच दिनको समय लाग्ने माइलाले
बताए । यस्तै, उदयपुर र ओखलढुंगाको संगम हर्कपुरबाट सुनकोसीमा जलयात्राका
लागि पनि पाँच दिन लाग्छ । नेपाल पर्यटन बोर्डबाट मान्यताप्राप्त यस
रिभर एडभेन्चर प्रालिले अन्तर्राष्ट्रिय मापदण्डअनुसार नै र्याफ्टिङ सेवा
प्रदान गर्दै आएको छ ।
(published in Nayapatrika Daily)